მილანის მთავარმა მწვრთნელმა ლეონარდომ დღეს მილანელოზე პირველი ვარჯიშის დასრულების შემდეგ განაცხადა: მომავალ სეზონში გუნდის კაპიტანი მასიმო ამბროზინი იქნება, მიხარია, რომ ამბროზინი ახალი კონტრქაქტის გაფორმებაზე დავითანხმეთ, მასთან ერთად გუნდში ფრანკო ბარეზის დემეტრიო ალბერტინის, და პაოლო მალდინის სული რჩება. მან სწორი არჩევანი გააკეთა როცა ახალი კონტრაქტის გაფორმებაზე დაგვთანხმდა. ჩემი დანიშვნის შემდეგ თვეზე მეტი გავიდა ამ პერიოდში ჩემი გადაწყვეტილების სისწორეში დავრწმუნდი, განვლილი დროის განმავლობაში საკმაოდ ბევრი რამ გავიგე, მე კარლო ანჩელოტის ადგილის დაკავება მეამაყება. მილანი სრული შემადგენლობით დღეს შეიკრიბა და ყველა ფეხბურთელის სამედიცინო შემოწმების შემდეგ პირველი წვრთნა გამართა.
