ფიფას კონფედერაციათა თასის გათამაშების ნახევარფინალში მასპინძელ სამხრეთ აფრიკის რესპუბლიკის გუნდზე მინიმალური უპირატესობით გამარჯვების (1:0) შემდეგ, ბრაზილიის ეროვნული ნაკრების მთავარი მწვრთნელი დუნგა, კონცენტრირებას ფინალურ შეხვედრაზე აკეთებს, რომელშიც მსოფლიოს ხუთგზის ჩემპიონებს მეტოქეობას აშშ-ს ნაკრები გაუწევს.ვემზადებოდით იმისთვის, რომ განვლილი მატჩი ასეთი მძიმე იქნებოდა. სამხრეთაფრიკელები სწრაფ, შემტევ ფეხბურთს თამაშობდნენ, ხოლო ტურნირის ბოლოს ასეთი პაექრობები ყოველთვის რთულია. მიუხედავად ამისა, ჩვენ ყველაფერი გამოგვივიდა. მომდევნო მეტოქეს, აშშ-ის ნაკრებს განსაკუთრებულად უნდა მივუდგეთ და საჭიროა სრულად ფინალზე ვიყოთ კონცენტრირებული. ამერიკელების მიერ ესპანეთთან ჩატარებული მატჩი არ მინახავს, მაგრამ ვიდეოჩანაწერს აუცილებლად ვუყურებ და კვირას გასამართი გადამწყვეტი შეხვედრისთვის მოვემზადები განაცხადა დუნგამ ინტერნეტ-გამოცემა Goal-თან საუბარში.
