მილანისა და იტალიის ნაკრების ყოფილი მთავარი მწვრთნელის, არიგო საკის თქმით, რომელიც წლების წინ მადრიდის რეალის გენერალურ დირექტორად მუშაობდა, სამეფო კლუბის საპრეზიდენტო კაბინეტში დაბრუნებული ფლორენტინო პერესი ძველი შეცდომების გამოსწორებას არ ცდილობს.პერესი კვლავ სუპერვარსკვლავთა შეძენას შეუდგა და თვით იმაზეც კი არ ფიქრობს, თუ როგორ მოერგებიან ისინი გუნდურ თამაშს. მისთვის ნაკლებადმნიშვნელოვანია, შეეწყობიან თუ არა ისინი ერთმანეთს საფეხბურთო თვალსაზრისით. ის მხოლოდ კომერციულ წარმატებაზე ფიქრობს, იმაზე თუ როგორ გასაღდება ამ ვარსკვლავთა მაისურები, - განაცხადა ფეხბურთის იტალიელმა სპეციალისტმა ღადიო Marca-სთვის მიცემულ ინტერვიუში.როგორც ცნობილია, საკი რეალში სწორედ პერესის პირველი პრეზიდენტობის პერიოდში მუშაობდა. მან მადრიდული გრანდი 2005 წელს დატოვა და განაცხადა, რომ კლუბში მოღვაწეობისას მოქმედებისთვის სათანადო თავისუფლება არ გააჩნდა.
