ლონდონის ჩელსის ნახევარმცველმა, ფლორან მალუდამ კლუბთან კონტრაქტი 2 წლით გაახანგრძლივა.ჩელსისთან ხელშეკრულების ვადა 2 წლით გავზარდე. ამგვარად, გუნდში მომდევნო სამ სეზონს გავატარებ. ახალ ამბებში ჩემზე ყოველთვის ლაპარაკობენ, როდესაც სატრანსფერო ფანჯარა იღება. ამიტომ, შეგიძლიათ დაწეროთ, რომ ჩელსიში თავს ჩინებულად ვგრძნობ. მომავალ სეზონში, ინგლისის ჩემპიონატსა და ჩემპიონთა ლიგაში გამარჯვებისთვის ვიბრძოლებთ, - ამბობს მალუდა, რომლის კომენტარსაც Sky Sports-ი ავრცელებს.როგორც ცნობილია, 2007 წელს მალუდა ჩელსიში ლიონიდან 13,5 მილიონ გირვანქად გადავიდა.