თუკი ჩერნოგორიელი ფორვარდი მირკო ვუჩინიჩი ინგლისურ “მანჩესტერ იუნაიტედში” სარფიანად გაასხვისა, იტალიური “რომა” უკრაინელი ანდრეი შევჩენკოს გადაბირებას ეცდება.Gazzetta dello Sport-ის ცნობით, რომაელებს შევჩენკოს გადაბირება ჯერ კიდევ გასულ ზაფხულს სურდათ, თუმცა, მაშინ ფორვარდმა iჯარის წესით ყოფილ კლუბ “მილანში” გადასვლა ამჯობინა. ანდრეის არაერთხელ განუცხადებია, რომ “მილანის” დატოვებას არ გეგმავს, თუმცა, გასულ სეზონში მას მინდორზე გასვლა ძალიან იშვიათად უწევდა, რამაც, შესაძლოა, აზრი შეაცვლევინოს.32 წლის ფეხბურთელი ლონდონის “ჩელსის” საკუთრებაა, ამდენად რომაელებს საქმის დაჭერა “არისტოკრატებთან” მოუწევთ.
