"მილანის" საკლუბო ფერები (წითელი და შავი) გუნდის პირველმა კაპიტანმა,
ჰერბერტ კილპინმა, დააკანონა. იგი ამ ფერებით მეტოქის შეშინებას აპირებდა,
რამეთუ ორივე ფერი ეშმაკისეულად ითვლებოდა და შესაბამისად, "მილანს"
აპენინებზე დღემდე "ეშმაკებს" ეძახიან. კილპინის იდეა იყო კლუბის ემბლემაც
- თეთრ ფარზე გამოსახული წითელი ჯვარი, რაც იმაზე მიუთითებდა, რომ
"მილანი" ინგლისელმა ალფრედ ედვარდსმა დააარსა. მეორე მსოფლიო ომის
შემდეგ "მილანის" ეკიპირებაში თეთრმა ფერმა იმატა და მთლიანად თეთრი
ფორმებიც შეიკერა. ცნობისთვის, "როსონერიმ" ჩემპიონთა თასისა თუ ლიგის
ყველა მოგებულ ფინალში, სწორედ თეთრი ფორმებით იასპარეზა. 1970 წელს
კლუბის ემბლემას ოქროსფერი ვარსკვლავი დაემატა, რაც იმას ნიშნავდა, რომ
"მილანმა" იტალიის ჩემპიონატი საიუბილეოდ, მეათედ მოიგო. და ყველაზე მთავარი, მაისურზე ფეხბურთელის გვარის დაწერა პირველად "მილანის" მესვეურებს მოუვიდათ აზრად და მათ სხვებმაც მიბაძეს.
